HAYASTAN.PRO

Մեղրիում հաստատվել է կորոնավիրուսի 8 նոր դեպք. Սյունիքի մարզպետ


Վերջին օրերի վիճակագրությունը ցույց է տալիս, որ, չնայած բազմաթիվ զգուշացումներին և հորդորներին՝ շարունակում ենք անզգույշ լինել, ինչը հանգեցնում է Սյունիքում նոր կորոնավիրուսային հիվանդության նոր օջախների ու հաստատված դեպքերի։ Այդ մասին Սյունիքի մարզպետարանի Ֆեյսբուքի էջում հայտնել է մարզպետ Հունան Պողոսյանը:  
«Այսօր Մեղրիում հաստատված 8 նոր դեպք ունենք․․․ Կրկին ու կրկին կոչ ենք անում ու պահանջում՝
լինե՛լ զգույշ ու պատասխանատու, քանզի վարակի տարածման ակտիվ կամ պասիվ ընթացքը կախված է յուրաքանչյուրիս վարքից․
հնարավորինս բացառե՛ք շփումները,
կրե՛ք անհատական պաշտպանիչ միջոցներ,
կիրառե՛ք ախտահանիչ նյութեր,
պահպանե՛ք սոցիալական հեռավորությունը։
Մեկ անզգույշ հանդիպում, մեկ անտարբեր վերաբերմունք և ահա՝ ունենք այս նոր 8 դեպքը․․․
Եվս մեկ անգամ հորդորում ենք՝ չկազմակերպել ու չմասնակցել զանգվածային միջոցառումների։
Հարգելի՛ քաղաքացիներ, անձնական պատասխանատվությամբ ու լրջությամբ մոտենանք ստեղծված իրավիճակին»,- նշել է մարզպետը։
© 2020 HAYASTAN.PRO | All Rights Reserved. HAYASTAN.PRO